Një aksident tragjik i ndodhur mbrëmjen e djeshme u mori jetën tre personave dhe shkaktoi katër të plagosur në rrugën e “Arbrit”. Dy vëllezërit Murat e Kujtim Istrefi, nga Maqellara u shuan së bashku me të afërmen e tyre Lulzime Istrefi, teksa makina “Mercedes Benz 240” me të cillën udhëtonin u nda në dy pjesë.
Referuar aksidentit me bilancin tragjik, ekspteri i sigurisë rrugore Fatmir Hasha tha për News24 se rruga e “Arbrit” është kthyer në burim aksidenti, pasi nuk duhej të ishte hapur sepse është ende e papërfunduar.
“Kjo rrugë nuk është përfunduar dhe nuk duhej të ishte hapur, dhe nëse do parashikoja aksidente, do të shikoja tek këto pjesë që kanë pasur rrezikshmëri më të lartë. Në pjesën ku ka ndodhur aksidenti, shikoj që këtu është pjesa e drejtuesve të automjeteve është shkaku kryesor i aksidentit. Shkaqet kryesore të aksidenteve janë shpejtësia tej normale të lejuara, parakalim i gabuar, përdorimi i telefonit dhe alkooli”, u shpreh ai.
