Një aksident i rëndë është regjistruar mesditën e sotme në zonën e Pukës.
Një mjet tip “Audi A5” ka humbur kontrollin dhe ka rënë në një pjesë të pjerrët me pyll të dendur, poshtë trasesë së rrugës ku po lëvizte.
“Audi” ka rrëshqitur rreth 30 metra poshtë rrugës, për të ndaluar më pas i përmbysur në mes të pyllit.
Mësohet se pavarësisht përplasjes së dhunshme, fatmirësisht nuk janë regjistruar viktima.
Tre personat e ndodhur në mjet kanë mbetur të plagosur dhe janë transportuar në spital, por gjendja e tyre shëndetësore mbetet e paqartë.
Policia nuk ka reaguar ende për këtë ngjarje, ndërsa në disa pamje të publikuara nga portali JOQ shihet mjeti i shkatërruar plotësisht.