Sulmin e 31-vjeçarit Gert Shehu ndaj kryetarit të PD, Sali Berisha, gazetari Artan Hoxha e konsideron një goditje të planifikuar më parë.
Në emisionin “Opinion”, Hoxha tha se shkuarja e autorit të ngjarjes në protestë pa kartë identiteti dhe telefon tregon që ai ka pasur një plan ekzakt.
“E çuditshme që ai nuk kishte telefon dhe kartë identiteti. Ai në momentin që bëri goditjen, reagimi i shoqëruesve të Berishës nuk do të ishte me dhunë, por kapja e tij. Në fillim mu duk e pabesueshme që Berisha mund të goditej, është njeri që nuk mund ta godasësh kollaj”, tha Hoxha.
Por gazetari hodhi dyshime edhe për nxitimin e autoriteteve dhe mediave pranë mazhorancës për të publikuar një kartelë mjekësore të Shehut.
“Si doli aq shpejt kartela e tij. Duhet një hetim nga një grup prokurorësh dhe PD vet të çojë vet avokat që të bëhet një transparencë e plotë që mos themi mes dy vitesh që kush ia bëri Berishës”, deklaroi Hoxha.
