Qamil Taja, i akuzuar se ka qëlluar dy herë në kokë dhe ka vrarë partneren e tij 19-vjeçare, Kristjana Brakaj është lënë në paraburgim. Jashtë gjykatës së Pireut ka mbizotëruar tensioni nga të afërmit dhe miqtë e viktimës, ndërsa prezenca e policisë ka qenë e madhe.
Akuzat ndaj 25-vjeçarit janë: Vrasje me dashje, armëmbajtje pa leje dhe përdorim i armës. Autori i vrasjes dyshohet se ishte xheloz patologjikisht për partneren e tij.
Në orët e para të së shtunës çifti u takuan për t’u kthyer në shtëpinë ku jetonin në Pire. Të dy ishin duke punuar deri vonë në klubet e natës në Troumba dhe Kallithea. Me të mbërritur në shtëpi ka nisur sërish sherri mes 25-vjeçarit me kombësi shqiptare dhe 19-vjeçares. Më pas, vrasësi, i inatosur dhe nën ndikimin e drogës, konkretisht kokainës, ka nxjerrë pistoletën që ua kishte marrë një vit më parë disa rumunëve (sipas asaj që tha), ia futi vajzës nën nofull dhe ka tërhequr këmbëzën, duke qëlluar dhe vrarë dy herë në kokë partneren.
19-vjeçarja ka qenë e ulur në divan. Ekspertiza mjeko-ligjore ka zbuluar se autori e ka qëlluar nga afër. Më pas, sapo ka kuptuar se çfarë kishte bërë, është dorëzuar vetë në Polici. Policia e cila ka mbërritur në vendngjarje duke gjetur vajzën të vdekur. Ai u vu në pranga dhe u dërgua në komisariatin lokal.
25-vjeçari është kujdesur të fshehë armën që zotëronte në frigorifer.
