Një burrë është përplasur qëllimisht me makinë. Ngjarja ka ndodhur përpara një hoteli në Prishtinë. Sinjali shkruan se personi në fjalë, një 29-vjeçar ishte bashkë me të dashurën në hyrje të hotelit Flamingo në Çagllavicë. Në atë çast është afruar mjeti tjetër dhe e ka përplasur.
Personi që e goditi kishte për qëllim ta plagoste të riun shqiptar, me të cilin ishte zënë një ditë më parë, në një tjetër hotel.
Autori është larguar nga vendi i ngjarjes në drejtim të paditur, ndërsa i plagosuri është dërguar në spital. Prokurori i Shtetit ka urdhëruar nisjen e hetimeve për të zbuluar rrethanat në të cilat ka ndodhur ngjarja.
