Pas emërimit të 12 prefektëve të rinj të vendit nga kryeministri Rama dje, ka reaguar edhe ish-deputeti i PD-së, Astrit Patozi.
Përmes një postimi në facebook, Patozi ironizon këtë zgjedhje të Ramës duke u shprehur se shyqyr që nuk është kohë lufte.
Patozi shkruan se Ramës nuk intereson ajo çka ndodh por vetëm mënyra se si duhet treguar
“SHYQYR QË NUK ËSHTË KOHË LUFTE
Emërimi i 12 prefektëve të rinj, të gjithë ish-ushtarakë të kujton atë anekdotën e atij që shkoi ne librari dhe porosoti 3 metra libra jeshilë se i shkonin me mobiljet e bibliotekës së shtëpisë.
E kam thënë edhe një herë tjetër, se janë dy personazhe në Shqipëri, për të cilët nuk ka asnjë rëndësi ajo që ndodh, por vetëm mënyra se si duhet treguar. Njëri prej tyre është Edi Rama.
Falë Zotit jetojmë në kohë paqeje, sepse nëse vendi do të binte në luftë (larg qoftë) Edi Rama mund të na emëronte gjeneralë të gjithë ish-prefektët, duke përfshirë këtu edhe Keltis Krujën.” – shkruan Patozi.
