Një 49-vjeçar shqiptar, Roland Muca, ka ndërruar jetë mbrëmjen e djeshme në spitalin e Pescara-s pas një aksidenti rrugor të ndodhur pasdite në Francavilla al Mare, në provincën e Chieti.
Muca u godit nga një makinë ndërsa po kalonte rrugën, në zonën e luginës së Alentos, në kufi me Torrevecchia Teatina, pasi ndaloi për të mbledhur hurma nga një pemë në rrugë.
49-vjeçari shqiptar ndërroi jetë në reanimacion pasi qëndroi për 4 orë në koma, raportojnë mediat italiane.
Mësohet se Muca ishte i martuar dhe me dy fëmijë.
