Janë publikuar pamjet e lëvizjeve të fundit të Gerti Shehut, para sulmit ndaj Berishës.
Në një video të publikuar nga Ballkanweb, 31-vjeçari, shihet teksa ecën i shpenguar në rrugë, pa ndonjë shenjë dalluese për probleme të shëndetit mendor.
Ky është momenti kur ai del nga xhamia te Ura e Tabakëve dhe më pas vijon rrugën për nga selia e PD-së, aty ku priti dhe finalizoi sulmin.
Kujtojmë se Gerti Shehu, është arrestuar nga policia pak minuta pas sulmit ditën e djeshme ndaj kreut të PD-së Sali Berisha. Shehu goditi me grusht liderin e opozitës sapo kishte nisur protesta dhe ai iu bashkua qytetarëve duke marshuar nga selia e PD drejt Bulevardit.
Një sulm i beftë, i papritur duke shmangur të gjithë truprojat e Berishës, që i shkaktoi lëndime në fytyrë kreut të PD-së.
