Gert Shehu është 31vjeçari, që goditi me grusht Sali Berishën gjatë protestës së Partisë Demokratike.
Ai ka përfunduar në spitalin e Traumës në Tiranë për shkak të dëmtimeve të marra prej dhunës së ushtruar ndaj tij, nga truprojat e Berishës.
Sipas një dokumenti mjekësor, thuhet se Shehu vuan nga probleme të shëndetit mendor, dhe është duke marrë medikamente mjekësore dhe diagnoza paraprake është rregullim psikoti i papërcaktuar.
Sipas vërtetimit mjekësor ai vazhdon të trajtohet me dy medikamentet për gjendjen e tij mendore, ndërsa thuhet se ai duhet ta paraqesë raportin e tij kudo.
