Presidenti Meta dekreton lirimin nga detyra e kreut të SHISH të Visho Ajazi Likës

Presidenti Ilir Meta ka dekretuar sot lirimin nga detyra të Visho Ajazi Likës nga posti i kreut të Shërbimit Informativ të Shtetit.

Lajmi për dorëheqjen e Visho Ajazit u bë publik ditën e hënë, kërkesë të cilën si fillim e dërgoi tek kryeministri Edi Rama, duke mos lënë më asnjë vend për diskutim.

Ajazi mori drejtimin e SHISH në gusht të vitit 2012. Ndërkohë, fill pas dorëheqjes së Ajazit nga detyra, Rama zhvilloi një takim me Ilir Metën në Presidencë, ndërsa u emërua në detyrën e kreut të SHISH Helidon Bendo. Ndërkohë, pritet qëndrimi i Metës për propozimin e Bendos në këtë post. Presidenti u shpreh dje në një intervistë se nuk ka ngut për dekretimin e Bendos.