Deputeti i Partisë Demokratike Edi Paloka, ka reaguar pas shembjes të “Prestige Resrot” nga forcat e IKMT.
“Të paktën tani Rama e ka përpara syve se çdo ti ndodhe kur t’i vije dita , atij vete dhe pallatit te tij në Surrel”, shkroi Paloka pas shkatërrimit me rreth 70 kilogramë eksploviz të resortit ndërsa pronari Hysenbelliu e ka konsideruar si një hakmarrje të Edi Ramës ndaj linjës editoriale dhe kritike të mediave në pronësi të tij.
Shembja pas montimit të 70 kg tritoli në strukturën e ndërtesës erdhi 4 ditë pas nisjes së aksionit, ku u bë rrethimi i godinës nga punonjësit e IKMT e dhjetëra efektivë të Policisë së Shtetit dhe u nxorën me forcë pjesëtarët e stafit të resortit.
Drejtuesja e IKMT-së, Dallëndyshe Bici nuk ka denjuar të presë vendimin e nesërm të Gjykatës Administrative të Durrësit, pas kërkesës së avokatëve të kompanisë “Erioni Shpk” për të pezulluar shembjen, por ka zbatuar urdhrin e prerë që ishte dhënë për përfundimin e aksionit brenda fundjavës.
