48-vjeçari Klement Ndina i cili dhunoi me mjete të forta Kostandin Xhallon është kthyer në qeli. Ai akuzohet për rrahjen e Xhallos, 35 vjeç me mjete të forta si leva ndërsa ndihmohej nga i biri 25-vjeçar.
Gjykata e Apelit në Gjirokastër, ka hedhur poshtë masën e dhënë nga gjyqtarja e gjykatës së faktit Përmet , Yrvete Skreli e cila në seancën e gjyqësore të 31 tetorit vendosi masën arrest në shtëpi.
Nga ana e tij gjyqtari Arben Dosti e ka quajtur të paligjshëm, duke dhënë masën ‘arrest në burg’.
Ndër të tjera në qeli rikthehet edhe Gjergji Bojo. Kujtojmë se ngjarja ka ndodhur më 29 tetor më qendër të Përmetit.
Policia iu sekuestroi në momentin e arrestimit 15 700 euro, 1753 dollarë, shuma të tjera parash në valuta të ndryshme, 1 armë gjahu, municion luftarak dhe 2 aparate celulare.
Njoftimi i policisë
“Në vendin e quajtur “Agjencia”, Përmet, janë konfliktuar me sende të forta, shtetasit K. N., 48 vjeç dhe J. N., 25 vjeç, me shtetasit K. Xh., Dh. Xh. dhe E. A., të gjithë banues në Përmet. Për pasojë kanë mbetur të dëmtuar shtetasit K. Xh., 33 vjeç, Dh. Xh., 70 vjeç dhe E. A., 40 vjeç, të cilët janë transportuar në Spitalin Rajonal Gjirokastër, për të marrë ndihmë mjekësore. Shërbimet e Policisë kanë bërë të mundur kapjen dhe shoqërimin e shtetasit K. N. për në ambientet e Komisariatit të Policisë Përmet për të vijuar me procedurat e mëtejshme”, njofton policia.
