Ben White është larguar nga qendra stërvitore e Anglisë në Kupën e Botës në Katar për t’u kthyer në shtëpi për “arsye personale”.
Mbrojtësi i Arsenalit nuk pritet të kthehet në skuadër për pjesën e mbetur të turneut. 25-vjeçari u përfshi në skuadrën prej 26 lojtarësh të Gareth Southgate për Kupën e Botës pas një fillimi mbresëlënës të sezonit me “Topçinjtë”
White nuk u paraqit në dy ndeshjet e para të Anglisë në Grupin B dhe humbi fitoren 3-0 të së martës kundër Uellsit për shkak të gjendjes gripale.
“Ne kërkojmë që privatësia e lojtarit të respektohet në këtë moment”, thuhet në një deklaratë nga Federata e Futbollit Anglez.
Asnjë zëvendësim nuk mund të bëhet në këtë fazë të Kupës së Botës dhe Arsenali ndau deklaratën e FA në kanalet e tyre të mediave sociale, së bashku me mbishkrimin “Ne jemi të gjithë me ty, Ben”.
We're all with you, Ben ❤️
— Arsenal (@Arsenal) November 30, 2022
