Autoritetet italiane kanë sekuestruar mëngjesin e sotëm 560 kilogramë hashash në qytetin jugor të Casterna-s.
Pas hetimeve në zonë, është bastisur një vilë në pronësi të dy grave. Gjatë kontrollit u gjetën sasi të mëdha të lëndës narkotike, e destinuar për tu shitur gjatë festave të ardhshme të Krishtlindjeve.
Në pranga janë vënë nënë e bijë, përkatësisht 65 dhe 49 vjeç. Nëse droga do të ishte shitur, fitimi do të ishte jo më pak se 3 milionë euro. Gratë e kishin futur brenda qeseve plastike me zinxhir e megjithatë era e fortë depërtoi jashtë banesës duke ngritur dyshime te punonjësit e policisë, raporton Gazzetta di Parma.
Dy të arrestuarat janë dërguar në burgun Pozzuoli, ndërsa pritet të njihen me masën e sigurisë nga autoritetet gjyqësore.
