Anëtari i Kryesisë së PD, Gent Strazimiri, komentoi në emisionin ‘Task Force’ në Syri Tv aktivitetin kriminal të bandave ndërsa shtoi se mafia ka lidhje të forta dhe ndikim të fortë në politikë.
Strazimiri tha se DEA amerikane është stacionuar në Shqipëri prej vitit 2016 sepse e dinë që vendi ynë është kthyer në një dispeçeri të drogave ndërkombëtare.
“DEA ka që në 2016 që është këtu, këtë ambasada e di, amerikanët dhe ambasadorja e dinë. DEA është stacionuar këtu se Shqipëria është kthyer në dispeçeri të drogave ndërkombëtare. Kurrë s’ka qenë kaq problem sa sot kokaina në vend se s’ka pasur garanci politike. Nga viti 2014 pak pasi Rama erdhi në pushtet filloi të krijohej problemi i kokainës.
Kokaina nuk vjen në mënyrë të rastësishme, nuk vjen pa patur garanci të nivelit më të lartë. Mund të thotë se s’di gjë për Tahirin, inceneratorët dhe të tjera gjëra, por që nuk e di se vendi është kthyer në vend kokaine, nuk mund të thotë që s’e di”, tha Strazimiri.
