Dy gjigandë të futbollit botëror do të përplasen sot në Al Bayt Stadium (Al Khor), në kuadër të ndeshjeve të dyta në grupin E.
Spanja dhe Gjermania do të masin forcat në sfidën që starton orën 20:00.
Të dyja skuadrat do të hyjnë në fushën e lojës me qëllim të vetëm fitoren.
“La Roja” kërkon të mbyllë llogaritë në grup duke u kualifikuar më tej, pasi zotërojnë 3 pikë dhe një golavarazh 7-0, teksa “shkërrmoqën” Kosta Rikën e Kejlor Navas në ndeshjen hapëse.
Ndërkohë, “Panzerat” e Hansi Flick duan të tregojnë se janë ende mes pretendetëve, pas disfatës turpëruese ndaj Japonisë me rezultatin 1-2.
Sfida do të gjykohet nga holandezi Makkelie D. Sakaq janë publikuar edhe formacionet e përzgjedhura nga të dy teknikët.
Flick e ka parë të arsyeshme të lërë në stol Sane, futbollist ky që nuk është në kushtet e duhura fizike për të dhënë më të mirën.
Në krahun tjetër, Luis Enrique e nis me Asension titullar.
