21-vjeçarja greke që u aksidentua rreth një javë më parë nga një makinë që drejtohej nga 26-vjeçari shqiptar, i ka shokuar të gjithë.
Babai i të resë ka preku zemrat e të gjithëve ndërsa ka folur për aksidentin tragjik. “Një shofer pa ndjenja e bëri fëmijën tim engjëll në parajsë”, ka thënë ai.
Varrimi i studentes së re, e cila ka studiuar në Shkollën Veterinare të AUTH-së, pritet të bëhet në vendlindjen e saj, në Chania.
“A jemi një ëndërr e hijes, apo një hije e një ëndrre? Në mjegullat e zeza, bukuria e pafundësisë… Udhët të mbarë shpirti im deri në skajet e gjithësisë…».
Me këto fjalë që ajo publikoi mesditën e së dielës në llogarinë personale në Facebook, nëna e saj i jep lamtumirën 21-vjeçares Emmanuela , e cila u nda nga jeta.
Vajza e re ka mbetur e plagosur rëndë në orët e para të së martës, teksa është tërhequr zvarrë përgjatë rrugës Egnatia nga makina e drejtuar nga 26-vjeçari shqiptar dhe më pas ka mbetur e gjakosur në asfalt.
“Nuk po them lamtumirë dashuria ime, por shihemi sërish! Të dua deri në parajsë dhe mbrapa dhe do të të dua sa të jetoj dhe të marr frymë”, shkruan nëna e saj .
Familja e studentes fatkeqe nga Chania vendosi të dhurojë organet e fëmijës së saj. Siç përmendi nëna e saj, Emmanuela ishte një mrekulli fëmijësh dhe kur u largua donte të bënte mrekullinë e saj, të jepte jetë.
