Opozita ka njoftuar mbajtjen e një proteste më datë 6 dhjetor, ditë në të cilën liderat e BE do të jenë në Tiranë.
Në një intervistë për Ora News, anëtari i kryesisë së PD Aldo Bumçi tha se opozita shqiptare është 100 për qind në linjë me BE-në.
Aldo Bumçi: Opozita shqiptare është 100 për qind në linjë me BE-në. Është një mbështetje e qartë se kauza e opozitës shqiptare mbështetet nga Europa. Sot kishte dhe një deklaratë të Komisioni Europian që kërkoi që qeveria të kërkojë marrjen e masave për sigurinë e liderëve të BE por në të njëjtën kohë të respektohet dhe e drejta e opozitës. BE i kërkoi qeverisë shqiptare të marri të gjitha masat për mbarëvajtjen e samitit por gjithashtu të mos bëjë asgjë për të penguar protestën legjitime dhe të drejtë.
Sipas tij protesta që do të mbahet më 6 dhjetor është demokratike madje ai thotë se mesazhet që do të jepen do të tregojnë se pas 10 vitesh të qeverisë së Ramës ky vend nuk është më demokratik, Rama kontrollon gjithçka, nuk ka zgjedhje të lira.
Aldo Bumçi: Protesta është demokratike, është europiane. Ai është një moment takimi i Europës në mënyrë konkrete sepse do të vijnë në Tiranë. Ne kemi mundësinë ti tregojmë Europës 2 gjëra që është një shoqëri thellësisht proeuropiane. Ne dalim aty si një parti si një opozitë thellësisht evropiane. Dhe mesazhet që do të jepen do të tregojnë se pas 10 vitesh të qeverisë së Ramës ky vend nuk është më demokratik, Rama kontrollon gjithçka, nuk ka zgjedhje të lira. Duket qartë që kemi rënë ndjeshëm në të gjithë treguesit, liri e mediave e drejtësi.
A rrezikon të përdoret nga element të jashtëm për të krijuar incident?
Aldo Bumçi: Ky nuk është shqetësim. Edi Rama ka shqetësim se do të dali siç është një sulltan dhe Europa nuk e pranon një Sulltan. Ai me këtë izolim mediatik del se është një vend ku ka disa probleme të vogla por nuk mungon demokracia. Të njëjtën gjë ka bërë dhe Vuçiç, ai ka shkatërruar opozitën. Të njëjtën gjë donte të bënte dhe Rama të shkatërronte opozitën dhe të shpallte veten një mbret të pakurorëzuar. Do ta shikojmë të shkruar se Europa është me ne. Asnjë shoqëri evropiane nuk ka arritur atë që ka duke qëndruar në një ven, janë shoqëritë që kanë bërë betejat. 6 dhjetori ora 12 është një ditë që BE me vullnetin e ri dhe me vullnetin e opozitës shqiptare mund ta kthejmë projektin Europian në Shqipëri. Është e mundur, le të ndërtojmë një aleancë të gjerë të Shqipërisë me partnerët evropian. Nuk do të ketë asnjë incident do të protestojmë në mënyrë paqësore.
