Kreu i Partisë demokratike, Sali Berisha, në një deklaratë për mediat jashtë ambienteve të Kuvendit, deklaroi se ka dorëzuar në parlament një amendament për krijimin e një Fondi rezervë të KESH për dëmshpërblimin e banorëve të prekur nga përmbyjetet.
“Në mesnatë pa informuar asnjë njeri, pa informuar autoritetet vendore hapën të gjitha tunelet dhe portat e Komanit dhe Vaut të Dejës dhe krijoi nëj dallgë përmbytëse të atillë që nuk e kishte parë ndonjëherë Shkodra dhe Nën Shkodra duke përmbytur dhe nxorri nga themelet urën e vjetër të baçallëkut, përmbyti rreth 500- 600 banesa për një kohë të shkurtë dhe mbi 2500 Ha tokë.
Në vend të kërkonte ndjesë pas këtij akti e ti premtonte dëmshpërblimet shqiptarëve, ai i shkatërroi të gjithë ekonominë në nëj akt pabesie në mesnatë duke hapur portat pa paralajmërim.
Drejtori i KESH-it ka kryer një krim të shëmtuar. Ka zbatuar një urdhër që të mos paralajmërojë autoritetet vendore dhe ju e shihni se çfarë kurajo ka ky person e të kalojë nga ekrani në ekran për të justifikuar veprën e tij të shëmtuar.
Kemi sjellë dhe një amendament në parlament, amandament të krijimit të fondit rezervë nga KESH-i për përmbytjet. Për përmbytjet e paralajmëruara është e domosdoshme të merren masa parandaluese dhe dëmshpërblyese kur ata ndodhin për shkaqë të digave. Ligji shqiptar detyron përmbytësin të dëmshpërblejë të përmbyturin. Për këtë fond duhet që KESH-i të mos thotë që s’kemi para”- tha Berisha.
