Pasi përfunduan reshjet e shiut dhe moti fillohet të qetësohet kryeministri Edi Rama u “zgjua” dhe filloi të dalë në terren. Kreu i qeverisë këtë të martë ishte në zonën e Sukthit të Ri në Durrës ku ka inspektuar gjendjen në qytet pas reshjeve të rrëmbyeshëm në ditët e fundit. Rama habiti të gjithë teksa sot u shfaq në Durrës një qark që nuk shfaqi probleme serioze krahasuar me veriun e vendit ku zonat e Shkodrës dhe Lezhës u zhytën plotësisht nën ujë kjo për shkak të keqmenaxhimit të kaskadës ku qeveria vendosi të hapte portat e hidrocentrali te Vau te Dejës.
Rama shkruan se në lagjja “Erzen”, “prurjet u frenuan nga argjinatura e ndërtuar pas përmbytjeve të mëparshme”. Ndërkohë që problem mbeten sipas Ramës “disa pika të veçuara në zonën e ish-kënetës, ku ndërtimet pa leje janë bërë nën kuotë dhe ku rezulton tejet e vështirë shmangia e pranisë së ujit në disa dhjetra shtëpi, në rast reshjesh të dendura”.
Ndër të tjera gjatë inspektimit të zonës së bashku me kryebashkiaken e Durrësit, Rama tha se reshjet e fundit ishin sprovë e madhe, u përballuan shumë mirë.
“Ishte sprovë e madhe se kishte volum të madh, por përgjithësisht Durrësi ishte mirë. Edhe dje dhe sot, që dikur bëhej liqen, kështu që Durrësi ishte mirë. Por kur ka reshje të mëdha, është si puna e lavamanit, hap lavamanin dhe po e çove me furi, bllokohet se nuk ka mundësi që t’i thithë të gjitha”, u shpreh Rama.
POSTIMI I RAMES:
“NË DURRËS (çka s’do t’jua tregonin kurrë përndryshe në kanale e portale) falë punës së palodhur të kryetares së bashkisë janë shëruar pjesa dërrmuese e pikave të mbetura problematike nga e shkuara, siç është edhe zona e Sukthit të Ri, lagjja “Erzen”, ku prurjet u frenuan nga argjinatura e ndërtuar pas përmbytjeve të mëparshme
Mbeten problem disa pika të veçuara në zonën e ish-kënetës, ku ndërtimet pa leje janë bërë nën kuotë dhe ku rezulton tejet e vështirë shmangia e pranisë së ujit në disa dhjetëra shtëpi, në rast reshjesh të dendura”, shrkuan Rama.
