Një aksident i rëndë ka ndodhur mbrëmjen e sotme në Vlorë.
Sipas raportimeve të para bëhet me dije se aksidenti ka ndodhur në rrugën transballkanike ku dy makina me shpejtësi janë përplasur me njëra-tjetrën dhe për pasojë njëra ka përfunduar mbi rrethrrotullimin pranë sheshit “Omonia”.
Të dy drejtuesit e mjeteve janë dërguar në spital me urgjencë. Ata kanë marrë plagë në trup, fytyrë dhe kokë, por fatmirësisht ndodhen jashtë rrezikut për jetën.
Ende nuk dihen rrethanat e aksidentit ndërsa policia ka mbërritur në vendin e ngjarjes për të zbardhur dinamikën e ngjarjes.
