Një 33-vjeçar është arrestuar në Bubq, pasi ishte në kërkim ndërkombëtar për vjedhje me pasoja të rënda. I riu shqiptar ishte dënuar nga drejtësia italiane me masën e sigurisë “Arrest në burg”.
Tashmë pritet ekstradimi i tij drejt Italisë, ku do të vuajë dënimin e caktuar nga gjykata.
“Në vijim të operacioneve të njëpasnjëshme, për lokalizimin dhe kapjen e personave të shpallur në kërkim, si dhe mbështetur nga inteligjenca informative për vendndodhjen e një shtetasi të kërkuar ndërkombëtarisht, shërbimet e Komisariatit të Policisë Krujë, në bashkëpunim me ZQK Interpol Tirana, finalizuan operacionin policor të koduar “Vendndodhja”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit:
– E. Sh., 33 vjeç, banues në Bubq, Krujë.”- njofton policia.
Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme. Në bashkëpunim me ZQK Interpol Tirana, vijon puna për ekstradimin e shtetasit E. Sh., drejt Italisë.
