Turqia nuk ka mundur të qetësohet pas sulmit që iu bë disa ditë më para. Një sulm me raketa ka ndodhur ditën e sotme nga territori i Sirisë në drejtim të një shkollë në brendësi të Turqisë ku si rrjedhojë kanë mbetur të vdekur tre persona dhe dhjetë të plagosur.
Mediat lokale raportojnë se pesë raketa ranë në një shkollë në Karkamis të Gaziantepit duke vrarë një mësues, një fëmijë si edhe një person tjetër, ndërsa mes të plagosurve ka edhe nxënës.
Në një deklaratë për mediat, ministri i Brendshëm i Turqisë, Suleyman Soylu deklaroi se raketat erdhën nga territori i Kobanit në Siri, i cili është nën kontrollin e forcave kurde.
“Do të marrin përgjigjen e merituar, ashtu siç e morën gjatë ditëve të fundit”, tha ai.
