Sot luhet dita e dytë e Kupës së Botës. Ditën e djeshme Botërori 2022 u hap me një sfidë të Katarit dhe Ekuadorit ku këta të fundit fituan me rezultatin 0-2.
Ndërkaq sot do të shohim tre përballje të tjera. Ndeshja e parë e ditës së sotme do të luhet në orën 14:00, ku Anglia do të përballet me Iranin.
Sfida e dytë e kësaj dite do të luhet në orën 17:00, ku Senegal do të përballet me Holandën. Senegal shkon në këtë përballje pa Sadio Mane, i cili nuk arriti dot të ishte gati për këtë Botëror.
Sfida e fundit e ditës do të luhet në orën 20:00, ku SHBA do të përballet me Uellsin. Pritet të jetë një sfidë intensive, pasi të dyja skuadrat krijojnë shumë raste.
