Që kur u konfirmua se Big Brother Vip do të transmetohej edhe në Kosovë, i madh ka qenë interesi për të mësuar detaje apo edhe personazhe nga ky edicion i parë.
“Panorama Plus” ka mësuar se formati do të nis në datën 5 dhjetor.
Tashmë duket se gjithçka është gati për të mirëpritur banorët e famshëm që do të dhurojnë spektakël në më shumë se 100 ditë.
Deri më tani ajo që dihet është se programi do të moderohet nga Alaudin Hamiti dhe Jonida Vokshi. Ndërkaq në kolltukun e opinionistëve do të jenë Olti Curri dhe Tuna.
Mbetet për t’u parë nëse ky format do të jetë një herë apo dy herë në javë si ishte në vendin tonë, por edhe në Itali. E derisa të vijë data 5 dhjetor, jemi të sigurt që do të zbulojmë edhe emrat e banorëve të parë të shtëpisë së famshme.
