Një ikonë e Kishës Ortodokse të Maqedonisë së Veriut, është rikthyer sot në vendin fqinj dhe kjo është deklaruar nga kryeministri Dimitar Kovaçevski. Bashkë me Ramën, ata kanë mbajtur ikonën për disa momente dhe kanë shpjeguar kuptimin dhe marrëveshjen e kthimit.
Kovaçevski gjatë fjalës së tij tha se ditët në vijim do të vizitojë Shqipërinë në mënyrë që 21 ikonat t’i kthejë në Maqedoninë e Veriut.
“Këtë mbështetje do ta mbaj mend. Ne së bashku kontribojmë për paqen, sot i tejkalojmë sfidat aktuale. Sot i vedosim bazat se si do të vazhdojmë rrugën, si do ta bëjmë vendin tonë një vend më të mirë. Do të japim shpresë se nesër do të jetë më mirë. Të flitet për zhvillim dhe të ardhmen, kërkon punë dhe lidership, ne këtë e kemi, ne do ia dalim për të siguruar mbështetje për qytetarët në mënyrë që dimrin e ardhshëm ta kemi më lehtë. Seanca mbaroi pak më herët, firmosëm shumë memorandume në të gjitha fushat.
Ne firmosëm dhe krijuam kuadër të përbashkët për disa fusha, sot dhe nesër kemi mundësi unike, me vizion të mirëpërcaktuar. Kjo krizë është mundësi për inovacione, Maqedonia e veriut ka burime, ka ujë, diell, tokë. Duhet ti shfrytëzojmë, është e mirë për vendin tonë. Ne si vende dhe rajone duhet të na bëjë shumë tërheqës për investitorët. Memorandumet e tjera ishin të rëndësishme. Duhet të punojmë në njohjen, në futjen e një uniteti kanonik. Unë së bashku do shkoj në Shqipëri dhe të 21 ikonat që janë atje do i kthej në vendin tonë, falenderoj Ramën që punuan me ne dhe bënë këtë të mundur që të gjithë së bashku të bëjmë që ikonat të kthehen në Shkup, te kisha ortodokse”, tha Kovaçevski.
