Nga Boldnews.al
Një nga segmentet rrugorë që po zvarritet, është “Rruga e Arbrit”. Megjithëse u përurua me këngë dhe valle nga kryeministri Edi Rama, rruga ende s’ka përfunduar. Kompania fituese, “Gjoka”, e cila po kryen edhe punimet, duke se “vëmendjen” e ka në tunelin e Llogorasë, duke lënë pas dore tunelin e Murrizit, që lidh Tiranën me Klosin. Kjo kompani, duke “përdorur” ministren Balluku, por edhe krerë të ARRSH-së është justifikuar se ka formacione të ndryshme gjeologjike. Por, përveç tunelit, segmenti nga Klosi deri në Qafën e Buallit është në vendnumëro. Po ashtu edhe zona e Tujanit, në afërsi të Tiranës.
Pavarësisht se “Gjoka” ka fituar koncesionin dhe duhet ta përfundonte të paktën tunelin në muajin mars 2022, ende s’ka një datë për ripërurimin. Por, kjo s’e ka penguar Autoritetin Rrugor Shqiptar të akordojë plot 40 milionë euro shtesë për tunelin dhe skarpatat në zonën e Tujanit dhe Planit të Bardhë. Një shumë e konsiderueshme, pasi siç është deklaruar në publik, “rrugën po e bën firma private me paratë e saj!”. Një gënjeshtër e madhe, pasi vetëm në javët e fundit, ARRSH-ja ka finalizuar dy tendera me vlerë totale prej 20 milionë eurosh për skarpatat në Planin e Bardhë dhe Tujanin.
Në datën 7 nëntor 2022, Autoriteti Rrugor Shqiptar shpalli fituesin e tenderit për skarpatat në zonën e Planit të Bardhë, në Klos. Nga 6 firma që morën pjesë në garë, 5 u s’kualifikuan. Sipas dokumenteve që disponon BoldNews.al, objekti i tenderit ka qenë “sistemimi dhe rivitalizimi i skarpateve në Plani i Bardhë” me një fond limit 1.170.234.457 lekë pa TVSH, ose me TVSH rreth 12 milionë euro.
Fitues i këtij tenderi u shpall bashkimi i operatorëve “SELAMI”, “COMPANY RIVIERA”, “GARDEN LINE” me ofertë 1.146.500.000 lekë pa TVSH. Të 5-të firmat e tjera në garë u s’kualifikuan. Por, ne do të veçojmë njërën prej tyre, që ka qenë konkurente në këtë tender; firmën “Gjoka”. Në këtë dokument shkruhet se “GJOKA KONSTRUKSION” ka ofruar 1.163.213.000 lekë pa TVSH. Por, ajo u s’kualifikua. Pra, nga njëra anë ajo ka fituar koncesionin për ndërtimin e “Rrugës së Arbrit” dhe nga ana tjetër merr pjesë në një tender po për “Rrugën e Arbrit”. Një paradoks i madh, pasi ky tender do t’i vinte në ndihmë pikërisht kësaj firme. Megjithatë, krahas qindra milionë eurove, “Gjoka” donte edhe 12 milionë të tjera.
BoldNews.al shfletoi dokumentet e këtij tenderi, ku Balluku dhe Berberi e kanë s’kualifikuar firmën “Gjoka” për disa arsye. Pra, s’ka qenë e denjë për skarpatat! Por për ndërtimin e rrugës po, madje i shtohet edhe afati dhe i jepen para shtesë.
Në dokumente thuhet se “‘GJOKA KONSTRUKSION’, nuk ka arritur të paraqesë asnjë dokumentacion të saktë dhe të plotë për të dëshmuar plotësimin e të gjithë kritereve”. Madje, s’ka paraqitur as sigurimin e ofertës që është më kryesorja. Por, edhe licenca të tjera të personave apo punonjësve të projektimit. Nuk ka as ekspert të ndihmës së parë, ska punonjës për studime gjeologjike-inxhinierike-hidrogjeologjik. “OE ka mjetet dhe stafin e angazhuar me kontrata në zbatim me ARRSH” thuhet në këto dokumente. Por, përse mori pjesë? Donte 12 milionë të tjera apo mori pjesë fiktivisht? Nisur edhe nga dokumentet e paraqitura, duket se pjesëmarrja ka qenë fiktive, vetëm për t’na mbushur mendjen se edhe ajo s’kualifikohet. Por, krerët e ARRSH-së harrojnë detajin më kryesor; ky tender bëhet pikërisht për të ndihmuar “Gjokën”. Dhe jo pak, por 12 milionë euro punime skarpatash, që duhet t’i bënte koncesionari.
Por, 12 milionshi s’ka qenë e vetmja “ndihmë” që ARRSH i ka bërë firmës koncesionare që po ndërton “Rrugën e Arbrit”. Sipas dokumenteve të tjera që disponon BoldNews.al, dyshja Berberi-Balluku kanë finalizuar procedurën “sistemimi dhe rivitalizimi i skarpatave në shkallën Tujanit”, me fond 1.124.815.834 lekë pa TVSH ose me TVSH rreth 11 milionë euro. Në këtë tender kanë marrë pjesë dy bashkimi operatorësh, ku e para “BE – IS SH.P.K” & “CURRI” & “ERGI” ofruan 1.052.280.000 lekë. Ndërkohë, BOE “Ante-Group” & “FERRO BETON & CONSTRUCTION CO” & “BILGIN TAAHHUT INSAAT MADENCILIK SANAYI VE TICARET LTD” ofruan 1.112.810.700 lekë pa TVSH.
Fitues u shpall oferta e dytë, e “Ante-Group”…, e cila kishte një ofertë prej 60.530.700 lekë të rinjmë shumë sesa oferta më e vogël. Megjithatë, Balluku-Berberi gjithmonë gjejnë “kleçka” për të shpallur fitues ofertat më të larta, ndërsa bëjnë gjithmonë “qoka” për firmat e preferuara.
