Kreu i PD-së, Sali Berisha ka reaguar pas shpërthimit terrorist në Stamboll. Në një postim në Facebook, ai e quan këtë një akt të shëmtuar terrorist dhe u shpreh ngushëllimet familjeve të viktimave.
“Akt i shëmtuar terrorist në Stamboll.
Të dashur miq, sot pasdite, në afërsi të sheshit Taksim, një shpërthim nga një terrorist kamikaz ka vrarë 6 qytetarë dhe plagosur 81 të tjerë. Duke dënuar me forcën më të madhe këtë akt të shëmtuar terrorist, i shpreh ngushëllimet më të ndjera familjeve të viktimave dhe autoriteteve të vendit. I uroj shërim të plotë të plagosurve.”- shkruan Berisha.
