Institucioni i paraburgimit në Sarandë është mbyllur. Në orët e para të mëngjesit të ditës së sotme ka nisur dhe transferimi me furgonë policie i të paraburgosurve drejt Burgut të Fierit.
Mësohet se një pjesë e stafit të paraburgimit të Sarandës ka pranuar të transferohet me punë nëpër burgje të tjera të Shqipërisë.
Institucioni do të funksionojë edhe për pak kohë deri në plotësimin e dokumentacionit.
Tanimë familjarëve të këtyre të paraburgosurve, por edhe avokatëve apo prokurorëve do t’u duhet që për shërbimet në funksion të punës së tyre të shkojnë deri në Fier.
