Kryetari i Bashkisë së Divjakës, Fredi Kokoneshi ka pasur një debat me shtetasin Ergest Xhelili, i cili gjatë konfliktit e ka goditur me thikë. Xhelili ka plagosur gjithashtu me thikë edhe shoferin e Kokoneshit.
Erges Xhelili është arrestuar menjëherë pas ngjarjes.
Xhelili është një ish-punonjës i sektorit të IT në bashkinë e Divjakës. Bashkëshortja e Xhelilit aktualisht punon si shefe e infermiereve në Poliklinikën e Divjakës, aty ku edhe raportohet se ka ndodhur edhe ngjarja, por ende janë të paqarta arsyet të cilat e shtyn atë që të plagoste kreun e bashkisë.
Kokoneshi dhe shoferi i tij janë dërguar në Spitalin e Lushnjës dhe ndodhen jashtë rrezikut për jetën.
