Incidenti që ndodhi gjatë votimit të buxhetit 2023 në Kuvend, ditën e sotme u kthye në kryefjalën e ditës, ku në fokus ishte deputeti i Partisë Demokratike, Edi Paloka.
Duke folur në ‘Radari Informativ’ në Abc, përplasjen me kryeministrin, Paloka e cilësoi si një taktikë të mirëmenduar që Rama e përdor sa herë që në Parlament duhen votuar projektligje me rëndësi apo ‘të dyshimta.’
“Kjo e sotmja ishte vazhdim i asaj që ndodhi dje. Sot ndodhi e njëjta gjë, edhe pse nuk ishin kamerat, kur po votohej, unë dhe Leskaj hymë në sallë. Nikolla ndërpreu seancën, mund të ketë pasur arsyet e veta. Ky zotëria do të provokojë. Filloi me Bujarin pastaj ne i dhamë reston jo vetëm për sot por për gjithçka sa tha dje dhe çfarë ka bërë gjithë këto vite ndaj shqiptarëve. Ka 8-9 vite që fyen shqiptarët në përgjithësi”, shprehet Paloka.
Paloka e akuzoi Ramën se sa herë që në Parlament përballet me raste të vështira si Porti i Durrësit apo Buxheti, nuk futet në sallë pa konsumuar më parë kokainë.
‘Rama nuk hyn në sallë pa i futur 2-3 viza kokainë. E kam thënë edhe herë të tjera, e ka thënë edhe Dritan Prifti, ndjesë pastë. Le të më hedhë në gjyq. Dihet botërisht nga ata që e njohin, por kjo nuk është provë. E dimë edhe kush ia sjell, nga i vjen. Le të bëjë testin.’, ka thënë deputeti.
