Një 36-vjeçar nga Elbasani është arrestuar nga policia këtë të enjte.
Policia bën me dije se shtetasi A. B., theu masën e sigurisë “Arrest në shtëpi”, dhe u kap në flagrancë duke dëmtuar automjetin e një shtetasi.
“Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin A. B., 36 vjeç, banues në Elbasan, pasi ka dëmtuar me sende të forta, automjetin në pronësi të një shtetasi tjetër. Në vijim të verifikimeve për këtë rast, ka rezultuar se 36-vjeçari ka thyer masën e sigurisë “Arrest në shtëpi”, të caktuar nga Gjykata, për veprën penale “Ndihma për kalim të paligjshëm të kufijve“., njofton policia.
