Deputeti i Partisë Demokratike, Dashnor Sula i ka kthyer përgjigje Edi Ramës përmes rrjeteve sociale, pasi kryeministri ditën e sotme nga foltorja e Kuvendit me një fjalor banal e ofendoi deputetin demokrat.
Për disa herë radhazi, Rama i etiketoi deputetët e opozitës si ‘bedela’ ndërsa Dash Sulën e quajti “Gjel det Peqini” për shkak të lidhjes me zonën që përfaqëson në Kuvend. Në reagim, Sula thotë se Rama foli me një fjalor rruge si ai që përdorin shokët e qelive ku ndodhen të besuarit e tij.
Reagimi i plotë nga Dashnor Sula:
Kryeministri me ministra e deputet në burg bën moral në Parlament.
Për të zhvendosur vëmendjen e rikthimit të deputetit të tij në kokërr të burgut për aferën e inceneratorëve.
Për të zhvendosur vëmendjen nga votimi dhe rezultati qesharak i kalimit me procedurë të përshpejtuar të marrëveshjes që i vjedh qytetarëve të Durresit pronat.
Për të zhvendosur vëmendjen nga një buxhet që pasuron klientët e qeverisë dhe zero rritje per pensionistët.
Kryeministri erdhi sot në parlament me një fjalor rruge, një fjalor që do ta kishin zili edhe ata kriminelët që ndajnë qelinë me ministrat dhe deputetët e tij.
“Të mbaruar, të pafytyrë. Dërr-Dërr. Bedela. Laxhore lagjesh” kjo ishte fjala e Ramës.
