Gjuhë e ashpër dhe fyerje të panumërta në drejtim të deputetëve të opozitës.
Ky ishte starti i vrullshëm i seancës së sotme parlamentare ku pritet të diskutohet për buxhetin dhe paketën fiskale 2023, por PS nxitoi të kalonte në rendin e ditës me procedurë të përshpejtuar edhe marrëveshjen për portin e Durrësit.
Protagonist i fjalorit fyes dhe komenteve pa etikë ishte kryeministri i vendit Edi Rama, i cili derdhi vrer mbi opozitën që akuzon se me portin e Durrësit po vidhen 1 milionë metër katrorë tokë publike dhe për çdo nen nga 5 që përmban projektligji në PS do të fitojnë 400 milionë euro.
Energjia e Ramës për të sulmuar që në start duket se e ka pasur burimin ete kafja e mëngjesit, të cilën shefi i qeverisë ka zgjedhur ta konsumojë nga karrigia e tij, pranë dy ministreve Belinda Balluku dhe Elisa Spiropali.
Siç shihet në disa foto të publikuara nga LSA, kryeministri shijon filxhanin me kafe në seancë, ndërsa diçka i komunikon si Spiropalit dhe Ballukut.
