Të shtëna me armë janë regjistruar pak më parë në Kamëz. Mësohet se është qëlluar disa herë, në ajër nga një person që po udhëtonte me një motor.
Burime bëjnë me dije që nga të shtënat nuk ka persona të lënuar, ndërsa policia është vënë në ndjekje të autorit dhe po punon për lokalizimin dhe kapjen e tij.
Njoftimi i policisë:
Në Kamzë, Tiranë, një shtetas ende i paidentifikuar, duke lëvizur me një motomjet, ka qëlluar me armë zjarri.
Nga të shtënat me armë zjarri nuk ka persona të dëmtuar.
Shërbimet e Policisë janë vënë në ndjekje të autorit të dyshuar. Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.
