Analisti Ilir Kalemaj ka komentuar në “MCN” lidhur me publikimin nga kryeministri për gjobën e vendosur nga Top Channel kundrejt AZHBR-së.
Duke e cilësuar si një standard të ulët, Kalemaj theksoi se faji për këtë është i dyanshëm dhe se kjo ka nxjerrë në pah se ka pasur edhe favore.
“Është një standard i ulët. TV në fjalë ka favorizuar politikën e Ramës dikur, kështu që në këtë sens është i dyanshëm faj, sepse po zbulon se ka pasur favore në të kaluarën indirekt dhe në momentin që nuk është dhënë një tender i caktuar, kjo media ka kaluar në opozitare. Këto janë raste shqetësuese sepse ne, publiku i ndjek kur bëhen publike dhe nuk shohim pjesën servile që bën media në favor të qeverisë”, tha ai.
