Kryeministri Edi Rama ditën e sotme pritet të udhëtojë drejt Gjermanisë.
Bëhet me dije se më 3 nëntor me ftesë të kancelarit Gjerman, Olaf Shcolz, do të mbahet në Kancelarinë Federale një takim në kuadër të procesit të Berlinit për Ballkanin Perëndimor.
Liderët e Ballkanit Perëndimor do të nënshkruajnë 3 marrëveshje të rëndësishme, që do të jenë për njohjen reciproke të letërnjoftimeve, të diplomave universitare dhe të kualifikimeve profesionale. Një fokus në samit do të marrë edhe kriza energjetike.
Në Samit përveç 6 liderëve të Ballkanit Perëndimor, do të marrë pjesë edhe presidentja e Komisionit Europian, Ursula Von Der Leyen, si edhe presidenti i Këshillit Evropian Charles Michel.
