Kryetari i Partisë Demokratike, Sali Berisha ishte mbrëmjen e sotme i ftuar në emisionin “Log.” në ABC përballë gazetarit Endri Xhafo së bashku me analistët Mentor Nazarko dhe Neritan Alibali.
Ish-kryeministri bëri me dije se Gjykata ka njohur Kuvendin e 11 dhjetorit të mbajtur në stadiumin “Air Albania.”
Berisha: Ka një Gjykatë që ka vendosur dhe këtë vendim e mban peng Rama.
Nazarko: Por si e mban peng Rama?
Berisha: Problemi është se kjo gjykatëse mercenare me zero integritet profesional shpalli palë atë që nuk ishte palë. Nëse në drejtësi shpallet palë ajo që nuk është palë, është asgjësim i drejtësisë. Kjo gjykatëse, një muaj më parë kur pala jonë paraqiti një ankesë, tha nuk jeni palë.
