Dy vëllezër janë arrestuar nga policia këtë të martë pasi u kapën duke shpërndarë lëndë narkotike.
Në pranga kanë rënë, Denilson , 25 vjeç dhe Besart Mataj., 29 vjeç.
Uniformat blu bëjnë me dije se gjatë operacionit janë sekuestruar doza kokaine, një peshore elektronike dhe një përforcues grushti (dorezë metalike).
“Gjatë kontrollit në subjektin “Tabacchino” që administronin dy vëllezërit, në rrugën “Kasem Shima”, dhe gjatë kontrollit të banesës së tyre, shërbimet e Policisë gjetën dhe sekuestruan, në cilësinë e provës materiale, 40 doza me lëndë të dyshuar narkotike kokainë, gati për shitje, peshore elektronike dhe një përforcues grushti (dorezë metalike). Pas verifikimeve të kryera ka rezultuar se këta dy shtetas, pasi siguronin lëndë narkotike kokainë, e ndanin atë në doza, të cilat i shisnin në subjektin që administronin dhe në zonën e Mëzezit”, njofton policia.
Materialet i kaluan Prokurorisë, për veprime të mëtejshme procedurale.
