Policia e Kosovës ka publikuar një video në faqen e saj zyrtare, duke kërkuar ndihmë për të gjetur një person i cili dyshohet se ka transportuar drogë në kamion. Në njoftim, thuhet se ky person është 1.65 cm i gjatë, i dobët dhe dyshohet se ka lidhje me trafikimin e drogës.
“Personi i kërkuar është mashkull, i gjatë rreth 165 cm, i ndërtimit trupor i dobët, i njëjti kërkohet mbi dyshimin e bazuar për përfshirje në veprën penale ,,Blerja, posedimi shpërndarja e paautorizuar e narkotikëve, substancave psikotrope dhe analoge” nga neni 267 lidhur me nenin 275 paragrafi 1,pika 1.8 i KPRK-s e.”, shkruan Policia.
Policia kërkon nga qytetarët e Republikës së Kosovës, që kushdo që ka informacion për identitetin e personit të dyshuar, të lajmërojë.
“Duke ju falënderuar për bashkëpunimin e vazhdueshëm, ju informojmë se informacionet e juaja do të trajtohen si anonime, andaj në vijim keni numrat e telefonit dhe adresat elektronike kontaktuese të PK-së: -192 dhe 080019999(pa pagës) -039/432 327 Drejtoria Rajonale e Policisë ne Pejë apo edhe -E-mail adresa : [email protected]”, informon më tej policia.
