Policia italiane ka vënë në pranga ditën e sotme një 33-vjeçar shqiptar, teksa lëvizte në makinë me 10 kilogramë drogë dhe 1800 euro cash.
Mësohet se arrestimi ka ndodhur teksa shqiptari po udhëtonte përgjatë unazës veriore të Pratos, ku, agjentët e urdhëruan shqiptarin të ndalonte. Në vend të kësaj, ai përshpejtoi duke u përpjekur të arratisej dhe u përplas me një makinë policie që po përpiqej ta pengonte të arratisej.
Më pas ai u ndalua ku u gjet edhe lënda narkotike. I arrestuari kishte me vete edhe 1800 euro cash në total, për të cilat nuk ka dhënë arsyetime për origjinën, e cila sipas policisë rrjedh nga aktiviteti i trafikut të drogës.
33-vjeçari shqiptar u arrestua dhe u vendos në dispozicion të organit gjyqësor kompetent në burgun ‘La Dogaia’ në Prato. Gjykatësi ka vërtetuar arrestimin duke vendosur në paraburgim narkotrafikantin.
