Marrëveshvjen me Partinë Demokratike dhe Sali Berishën si lider të opozitës, kreu i Partisë së Lirisë, Ilir Meta e ka konsideruar të rëndësisë kombëtare, pasi qëllimi primar është largimi i Edi Ramës.
Teksa zbulonte detaje nga krijimi i koalicionit për zgjedhjet lokale 2023, Meta e ka krahasuar Berishën me CR7, yllin portugez të Manchester United.
“Berisha është si Cristiano Ronaldo. Opozita duhet të shikohet si institucion i rëndësisë kombëtare”, tha Meta.
Ai ka zbuluar më tej edhe shkakun e shtyrjes së protestave të shtatorit, duke thënë se opozita u privua nga sulmet kibernetike të hakerave dhe nuk kishte për qëllim rrezikimin e sigurisë kombëtare.
“Nuk u bë në shtator për arsye të sigurisë në vend edhe për shkak të hakerimeve të sistemeve në vendin tonë”, u shpreh Meta.
Ndër të tjera, kreu i PL tha se nuk ka frikë nga asnjë vendim i drejtësisë.
“Janë të gjitha shpifje, mashtrime trillime. unë skam frikë nga vendimi i zotit Nuk kam frikë nga asnjë vendim jo më nga ato instrumente që po i keqpërdor Edi Rama. Nuk kam pasur asnjë lloj thirrje. Sa herë të më thërrasin do të shkoj dhe do ju informoj se çfarë kam thënë”, nënvizoi ai.
