Presidenten e Komisionit Evropian, Ursula von der Leyen ndodhet në një vizitë zyrtare në Shqipëri.
Rama tha se falë presidentes Ursula Von der Leyen, Shqipëria ka marrë një mbështetje të madhe ekonomike dhe është e vetëdijshme që në këto kohë të vështira që e gjithë Europa është duke kaluar për shkak të krizës ekonomike, nuk është vetëm.
Kryeministri bëri me dije se së bashku me presidenten e KE ata zhvilluan një inspektim në hekurën Tiranë-Durrës-Rinas, e cila sipas Ramës do të përfundojë në vitin 2024 si dhe më pas zhvilluan një takim ku në fokus të bisedës ishte situata financiare dhe inflacioni që ka përfshirë Perëndimin.
“Në pranverën 2024 do kemi aksin hekurudhor Tiranë-Durrës. Takimi i sotëm ka një vlerë të vecantë, për shkak se presidentja na ka informuar për situatën financiare në kushtet e një lufte që bombat dhe plagët i ka në Ukrainë, por pasojat e së cilës ndihen në Evropë dhe në Shqipëri. Unë e informova presidenten për qasjen tonë për vendosmërinë, që ne të mbështesin familjet dhe biznesin e vogël për të mos e prekur çmimin energjisë , gjë që do të thotë një peshë e konsiderueshme për buxhetin e shtetit, por një peshë e arsyeshme. Kemi folur edhe për ngjarje të jashtëzakonshme për Shqipërinë, ku në Tiranë do të kemi samitin e BE me Ballkanin Perëndimor dhe të gjithë liderët e Evropës do vijnë në Tiranë për këtë samit”, tha Rama.
