Deputetja e PD-së, Jorida Tabaku, ka komentuar situatën e krizës bujqësore, si dhe largimin e të rinjve nga vendi.
Përmes një postimi në rrjetin e saj fb, Tabaku u shpreh se të rinjtë kanë braktisur vendin dhe tokën nuk ka kush ta punojë, ndërsa theksoi se kjo ka ardhur si pasojë e rritjes së çmimit të karburanteve, inputeve bujqësore dhe taksat.
Tabaku ka shkruar se nuk mund të ketë integrim pa një bujqësi të zhvilluar, ndërsa shtoi se më shumë se sa nga lufta, bujqësia sot vuan nga arroganca edhe mungesa e vizionit.
Postimi i plotë:
Janë bërë xhufkë juristët!
Bujqësia sot po vuan jo vetëm nga lufta por mbi të gjitha nga arroganca edhe mungesa e vizionit!
Rritja e çmimit të karburantit,
rritja e çmimit të inputeve bujqësore (fertilizuesit) në 3 vitet e fundit
ndryshimet e skemës dhe rritja e taksave
teknologjia e vjetëruar
madhësia e fermës dhe fragmentarizimi i tokës
Të gjitha problematika që po dëmtojnë bujqësinë nga viti në vit dhe kanë kthyer mollët e Devollit të shiten në 30 lekë/kg pra nën kosto!
Të rinj që kanë braktisur fshatin dhe me nxitim po lënë Shqipërinë ndërsa tokën nuk ka kush ta punojë.
“Janë bërë xhufkë juristët” më tha sot një fermer teksa më përshkruante Ministrinë e Bujqësisë!
Duhet ndërtuar Europa këtu! Nuk mund të ketë integrim pa një bujqësi të zhvilluar!
