Drejtuesi i SPAK Arben Kraja, në një deklaratë për mediat ka thënë se prokurorë dhe gjyqtarë të SPAK po trajtojnë çëshje shumë të vështira dhe ka pasur indicie për kërcënime e presione.
Pyetje: A ka prokurorë të kërcënuar
Kraja: Prokurorë dhe gjyqtarë të SPAK-ut kanë pasur në dorë gjykimin e personave mjaft kompleksë, shumë dosje të nxehta, mes tyre dhe të zyrtarëve dhe ish-zyrtarëve të lartë shtetërorë, dhe normalisht që ka patur kërcënime. Ka pasur dhe presione, ata kanë mbrojtje që u sigurohet me ligj nga shteti.
Pyetje: A po hetohen?
Kraja: Nuk është kompetencë e Prokurorisë së Posaçme të bëjë këto hetime kështu që nuk kam informacion.
Krajës i përfundon mandati në dhjetor ndërsa në 2 nëntor 2022 përfundon afati për dorëzimin e kandidaturave për këtë post. E kur kanë mbetur vetëm pak ditë, ende nuk është paraqitur asnjë kandidaturë për tu ulur në karrigen që do të lihet bosh.
