Një person i shpallur në kërkim nga autoritetet italiane është arrestuar në kryeqytet.
Armant Beqiri, 40 vjeç, banues në Tiranë, u vu në pranga, njoftoi policia.
Ky shtetas ishte shpallur në kërkim ndërkombëtar, pasi Gjykata e Torinos e ka dënuar me 6 vjet e 10 muaj burgim, për veprat penale “Pjesëmarrja në organizatë kriminale” dhe “Trafikimi i lëndëve narkotike”, shtuan të njëjtat burime.
Interpol Tirana, në bashkëpunim me Interpol Roma, vijon procedurat për ekstradimin e këtij shtetasi drejt Italisë, mbyllet njoftimi i bluve.
