Një 31-vjeçar është arrestuar këtë të Diel nga polica e Fierit. Blutë bëjnë me dije se në pranga ka rënë Renato Vrenozin, pasi ushtronte aktivitetin kriminal të shpërndarjes së lëndëve narkotike në doza.
“Në kuadër të operacionit u arrestua në flagrancë shtetasi R. V., 31 vjeç, banues në Radostinë, Fier. Shërbimet e Policisë, gjatë kontrollit fizik ndaj shtetasit R. V. dhe kontrollit në banesën e tij, gjetën dhe sekuestruan 33 doza me lëndë të dyshuar narkotike cannabis dhe një sasi prej 630 gramë cannabis që do të ndahej në doza, për t’u shitur”, njofton policia.
Po ashtu uniformat blu bëjnë me dije se u sekuestruan në cilësinë e provës materiale edhe 2 armë të ftohta, 1 thikë edhe 1 përfocues grushti, të cilat iu gjetën 31-vjeçarit, gjatë kontrollit fizik.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale
