Kreu i Partisë së Lirisë, Ilir Meta deklaroi se e quan të përfunduar marrëveshjen me Partinë Demokratike për zgjedhjet lokale.
Në një konferencë me gazetarët, Meta tha se Partia e Lirisë do të mbështesë çdo kandidat të PD duke shtuar se nuk do të ketë asnjë kandidat nga PL që do të sfidojë ata nga PD.
Meta shtoi se vetë do të fokusohet tek këshillat bashkiakë.
“Marrëveshja për mua është e përfunduar, ne do mbështesim çdo kandidat që do konfirmojë PD. E vërteta dhe e vetmja, për mënyrë si do përzgjidhet përgjegjësia i takon Berishës.
Për ne e rëndësishëm është fitorja kundër bandës së Ramës. Ne jemi të qartë, do synojmë maksimumin në këshillat bashkiak. Nuk do ketë asnjë kandidat nga PL që sfidon ata të PD.”-deklaroi Meta.
