Pedagogët kanë njoftuar se të hënën në orën 11:00 do të mbahet një protestë e përgjithshme.
Kreu i Sindikatës së Pedagogëve, Sandër Kovaçi foli edhe për deklaratat e ministres së Arsimit, e cila një ditë më parë tha se janë në dialog me pedagogët për rritjen e pagave.
“Pa buxhetim nuk ka ndryshim në situatën e arsimit të lartë, të tjerat janë llafe. Kryesorja është rritja e buxhetit për arsimin e lartë. Nëse kjo nuk rritet kjo do të jete kënetë, të tjerat janë lustra”, tha ai.
Kovaçi u shpreh se nuk do të ndalen protestat deri në plotësimin e kërkesave të tyre.
“Patjetër ne do vazhdojmë me protesta, përsa kohë ai thotë se nuk do ketë rritje rroga. Ne nuk mund të biem në nivelin e gjendjes aktuale. Ne nuk duhet ta lejojmë braktisjen e studentëve. Kërkojmë rritje të buxhetit për arsimin e lartë. Kryeministri ka premtuar që do ta realizojë, por nuk ka ndërmend. Më mirë të veprojë tani dhe të buxhetojë masën e duhur arsimin e lartë dhe arsimin në përgjithësi. Situata është realisht kritike.
Bojkoti në ato vende ku është realizuar është në nivel të lartë, ne na intereson sensibiliteti dhe jo numrat. Njerëzit jane sensibilizuar, edhe Rama mendoj se eshte sensibilizuar, sepse duhet te jete jo ne rregull pastaj…
Të hënën në orën 11:00 do bëjmë një protestë të përgjithshme më të zgjeruar dhe do të bëjmë të ditur kërkesat tona”, u shpreh Kovaçi.
