Avokati Genc Gjokutaj, i ftuar në emisionin ‘Çim Peka Live’ është shprehur se fakti që policia ka dalë me tre versione të ndryshme për ngjarjen fakt shumë i rëndë.
Gjokutaj gjatë debatit ka hedhur tezat se vdekja e të riut nuk mund të ketë bardhur nga gëlltitja e dozave të kokainës sepse një gjë e tillë në vrapim e sipër është gati e pamundur dhe nga ana shkencore.
Gjokutaj: “Rasti sot është flagrant dhe shumë i rëndë dhe për më tepër nuk është një rast i izoluar. I riu ka humbur jetën në ambientet e policisë. Fakti që policia ka dalë me tre versione ku mundohet të thotë që i ndjeri ka humbur jetën në spital.
Policia e shtetit nuk duhet të jetë palë në këto procese sepse ato janë të implikuar dhe nuk mund ta zbardhin dot këtë çështje por duhet të merret prokuroria dhe mjekët ligjor por për me tepër duhet që të pranishëm të jenë dhe një nga familjarët e viktimës.
Sot familjarët e viktimës janë shprehur se djali ka pasur dëmtime.
Policia nuk duhet të kishte përdorur dhunë gjatë arrestimit sepse nuk është në ato kushte por duhet vetëm ta kishte shoqëruar në ambientet e komisariatit.
Varianti i gëlltitjes së kokainës është shkencërisht e përjashtuar sepse nuk arrin do të marrësh frymë e jo më të gëlltisësh, por krijohen situata si në kohën e komunizmit vetëm që të justifikojnë krimet.”
